قمة القوة

أن تبتسم وفي عينك ألف دمعة

****

قمة الصبر

أن تسكت و في قلبك جرح يتكلم

****

قمة الغرابة

أن تجرح من تحب

****

قمة الاخلاص

أن تحب من جرحك

****

وقمة الوفاء

أن تنسى جرح من تحب

مذهلة

مذهلة

مذهله مهي بس قصة حسن
رغم ان الحسن فيها بحد ذاته مشكله مذهله
كل شيء فيها طبيعي ومو طبيعي
أجمل من الاخيله
طيبها قسوة جفاها
ضحكها هيبة بكاها
روحها حدة ذكاها تملأك بالاسئلة
مذهله
هي ممكنه والا محال
هي امر واقع او خيال
هو سهلها صعب المنال او صعبها تستسهله
ليه كل معجز من هذا الكون فيها له صله
ليه كل شيء فيها تظن انك تعرفه تجهله
ليه كل لا معقوول فيها ورغم هذا تعقله
يابدايات المحبة يانهايات الوله
كيف قلبي مااحبه وانتي قلبك صار له
يااعذب من الامنيات ياعالم من الاغنيات
يااجمل الشعر البديع من آآخره لين اوله
ماراودتك الاسئله
ليه عمري مالقى لبرده دفا الا دفاكي
ليه قلبي بدقاته ماعزف لاحد سواكي
ليه انا عيني تشوف وما تشوف الا بهاكي
يااجمل من الاخيله
هذا جواب الاسئله
كي تكووني من حنيني وبس فيني
ومو بدوني مذهله

الأماكن

الاماكن

الأماكن كلها مشتاقة لك والعيون اللي انرسم فيها خيالك والحنين سرى بروحي وجالك ما هو بس أنا حبيبي الأماكن كلها مشتاقة لك كل شيء حولي يذكرني بشي حتى صوتي وضحكتي لك فيها شي لو تغيب الدنيا عمرك ما تغيب شوف حالي من تطري علي المشاعر في غيابك ذاب فيها ألف صوت والليالي من عذابك عذبت فيني السكوت وصرت خايف لا تجيني لحظة يذبل فيها قلبي وكل اوراقي تموت آه لو تدري حبيبي كيف ايامي بدونك تسرق العمر وتفوت الأمان وين الامان وأنا قلبي من رحلت ماعرف طعم الأمان وليه كل ما جيت أسأل هالمكان اسمع الماضي يقول ما هو بس انا حبيبي الأماكن كلها مشتاقة لك الاماكن اللي مريت انت فيها عايشة بروحي وابيها بس لكن ما لقيتك جيت قبل العطر يبرد قبل حتى يذوب في صمتي الكلام واحتريتك كنت اظن الريح جابت عطرك يسلم علي كنت أظن الشوق جابك تجلس بـ جنبي شوي كنت أظن وكنت أظن وخاب ظني ما بقى بالعمر شي واحتريتك ما هو بس انا حبيبي الأماكن كلها مشتاقة لك

مساء الخير

(مساء الخير)...

مساء الخير والاحسـاس والطيبة مسـاءٍ مـا يـليق إلا بأحبـابي

مساءٍ غير غصن لطير يحكي بـه عن اللي مـسكنه جفني وأهـدابي

هلا باللي أحـبه كثـر تعذيـبه وكثر ما هـو يغيب وكثر ترحابي

حبيبي هـو ولو ما قصّـر الغيبة ولـو عن بسمتي قد طـوّل غيابي

أعـرفه زيـن وأعيتني أسـاليبه عدوي يوم ويوم أقرب من أصحابي

مـلكني بين تـرغيبه وتـرهيبه يفـارقني وهـو واقف على بـابي

به الصادق به الغـارق بأكاذيبـه يبي بعـدي ودمعـه بـلّل ثـيابي

به القسـوة به الرقـة به الهيبـة به الضعف القوي به نشوة إغضابي

هلا باللي علي يقسى وأمـاريبه هلا باللي أبـد مـا لان لعتـابي

كلمات/ عبدالرحمن بن مساعد

(مجموعة انسان)...

(مجموعة انسان)...

قالت من انت وقلت مجموعة انسان

من كل ضد وضد تلقين فيني

فيني نهار وليل وافراح واحزان

اضحك ودمعي حاير وسط عيني

فيني بداية وقت ونهاية أزمان

اشتاق باكر واعطي أمسي حنيني

واسقي قلوب الناس عشق وضميان

واهدي حيارى الدرب واحتار ويني

واحاوم طيور السما حوم نشوان

واسيل الوديان دمعي حزيني

في عيني اليمنة من الورد بستان

وفي عيني اليسرة عجاج السنيني

تهزمني النجلا وانا ند فرسان

واخفي طعوني والمحبة تبيني

ان ما عرفتيني فلاني بزعلان

حتى انا تراني احترت فيني

كلمات/ خالد الفيصل

(النصيب)...

(النصيب)...

ياللي تجهل رقة الحب الحقيقي

....اللي تتلذذ في تحيري وضيقي

لاتظن الصمت في عيوني اسي

لاتفكر انتظر منك الوفي

انا حبيت الهوي فيك للهوي

والنصيب هو اللي جابك في طريقي

رقة الاحساس عند العاشقين

ابتسامة فرحه في نظرة حنين

التفافة شوق في لحظة لقا

انتعاش الروح من لمس اليدين

ماهي بالغض اللعوب

في التجني عالقلوب

كلمات / الامير فهد بن بندر بن خالد

(المــعــانــاة)...

(المــعــانــاة)...

يا ليل خبرني عن أمر المعاناة

هي من صميم الذات ولا أجنبية

هي هاجس يسهر عيـونـي و لا بات

أو خفقة تجمح في قلبي عصـية

هي صرخة تـمردت فوق الأصـــوات

أو ونة وسـط الضمايـر خفـية

أو عبرة تعـلـقت بـيــن نظرات

أو الدموع اللي تسابق هميـة

أعاني الساعة و أعاني مسافـات

و أعاني رياح الزمان العتية

و أصور معاناتي حـروف وأبيـات

يلقى بها راعي الولع جاذبية

و لاني بندمان على كـل ما فـات

أخذت من حلو الزمان و رديـه

هذي حياتي عشتها كيف مـا جـات

آخذ من أيامي و أرد العطيـة

طلبـــــتك

طلبـــــتك

طالبـــــــــــك طلبــه دخيلــك ارجــوك لاتعيد اتصــالك النفس عافــت من مثيلك قررت انا بقطع وصالك..

قررت انا بعلــــن رحيلــــك مليـــون من بلقــــى بدالــك ماعتــدت في الدنيا خليلــك ماعاد في شي بقالــك..

عوضــت في غيري جميلك واقفـــيت عن منهـو صفالــك دام الهـوى اصبح جتيــل(قتيل) انسى غرامي من خيالـك..

لابـد لك يوم ويجيــلك وتذكـر وفـا منهـو وفالــك ولابــد ما يرجع دليلك وتنــــدم على وقــــت مضالـــك..

كلمـــات:جمعة بن نايم الكعبــي..

نسيم المطلعي

نسيم المطلعي

نسنس نسيم المطلعي هب ،،، و استانس الزين بنسيمه

و انا الذي قلبي معذب ،،، معتاق مشتاق لنديمه

من زود شوقي يعشق الصب ،،، و اون ونات عقيمة

يا ما لعا له قلبي ونب ،،، بنرضاه بونفس حشيمة

له عين شروى الحر الاشهب ،،، و الخصر زاهي في بريمه

سبحان اللي بالحسن يوهب ،،، ترفه ينوف له نعيمه

مرابع الطفجين يلعب ،،، حرص على السمعة الحشيمة

عزاه من مثلي تعذب ،،، و من الوصل نفسه حريمة

صرف النيا و البعد يتعب ،،، و الهجر يا خلي ظليمه

عليك دمع العين يدعب ،،، من موقع العشرة القديمة

عساك في التوفاق من الرب ،،، و في نعمة الباريء مديمة

يسقى من الوسمي و تشرب ،،، من بارج همال غيمه

دار الغضي بالنبت تعشب ،،، و الغيث له يحيي هشيمه

نسنس نسيم المطلعي هب ،،، و استانس الزين بنسيمه

كلمات سمو الشيخ نهيان بن زايد

كثر الكلام

كثر الكلام

وش فايدة كثر الكلام ،،، من بعد ما خنت العهود

روح و على الدنيا السلام ،،، دام الوفا ماله وجود

لا تدعي لي بالجوا ،،، و الحب و الشوق الكبير

بانت الاعيب الهوا ،،، عندك يا معدوم الضمير

مايفيد بعد الفوت صوت ،،، خلاص من قلبي انتهيت

صاب الغلا و الحب موت ،،، و انت على نفسك جنيت

الحب يسمو بالوفى ،،، ما يعرفه ياللي يخون

ابعد و من بعد الجفا ،،، لابد تعرف من اكون

لا تهددني

لا تهددني

لاتهددني بالفراق ،،، وتستغل ظروفي الصعبة

اكشف المخفي بالاوراق ،،، كان مالك بالهوى رغبة

كيف تجرح قلب مشتاق ،،، ماتخلي للعمر طربة

وين عهدك و وين ميثاقي ،،، دام موج الشك يلعب به

بالصدود تكدر اشواقي ،،، دايم تعذيبي تحبه

ومع ميول النفس تنساق ،،، وللفراق تدور السبه

كم زرعت الحزن في اعماقي ،،، وانا اقول يسامحه ربه

وآخره لوحت بفراقي ،،، مستغل ظروفي الصعبة

" مواعيدكم "

" مواعيدكم "

مواعيدكم بالحيل ماهي مواعيد

و بالحيل فيكم صار ما يصدق الوعد

توبة و توبنا فلا نرجع نعيد

وقال المثل لي صد عنك ترى صد

دايم اداريكم و لو طبعي عنيد

لو كان بحر الحب في جزر و مد

و شوقي عليكم دوم ما ينقص يزيد

و مازال قلبي وافي العهد و الوعد

اثري لقاكم يالغلا كنه العيد

ماخذك يالغالي على محمل الجد

و تأثير بعدك زاد من دون تحديد

و الصبر عندي صار واصل على الحد

تدري عن اليوزيا كنت ماتحيد

خذ من علومي زبدة الهرج و القصد

لي من شموس العز هيبة و تأكيد

مثل الصقور اللي على الصيد تنهد

كلمات: همس المشاعر

" غيرك بقلبي "

" غيرك بقلبي "

غيرك في قلبي ماسكن شخص ثاني ،،، مارام قلبي في غيابك يخونك

ميناك قلبي و انت لي مواني ،،، ارسي على بحرك و اهيم بفنونك

عانيت منك و انت مني تعاني ،،، اشكي فراقك و انت تشكي شجونك

حبك حبيبي في الضماير كواني ،،، كل الجوارح تشتكي من طعونك

لو بإختياري ما إفترقنا ثواني ،،، لا عشت لحظة يا حياتي بدونك

الحال عقبك صار ناحل و داني ،،، لو شفتني بتسيل دمعة عيونك

في غيبتك اشرب مرارة زماني ،،، قلبي و عقلي من العنى يشتكونك

يبغون منك عطف و الا حنانِ ،،، عطف المحبة يعل ربي يصونك

ادمنت حبك و استحل بكياني ،،، لا اقدر اعيش العمر لحظة بدونك

كلمات: مبارك المنهالي

" مالك عذر "

" مالك عذر "

مالك عذر لو تعتذر ما عذرناك ،،، يكفي رجا لا ترتجي من يجافيك

ان كانت الفردوس في كف يمناك ،،، القلب صار ابعد من كفوف اياديك

قلبي مع قلبٍ يحبه و ذكراك ،،، مايوم مرتني و لا مر طاريك

لو تهذي بصوتك ترا ماسمعناك ،،، خل الصدى من عقب صوتي يسليك

رغم الندم لوتندم الدهر بنساك ،،، و على عمى سود الليالي بخليك

انسى ودادٍ في المحبة عطيناك ،،، و اللي مضى و اللي انقضى بس يكفيك

مات الغلا في خافقي من جفيناك ،،، حتى المشاعر ترفض اليوم ترثيك

لا لا تقول الحب قاسي و بكاك ،،، لك قلبٍ اقسى من حجر من يبكيك؟

لك كنت اعظم حلم ساطع بدنياك ،،، لا تظن تنجب لك بمثله لياليك

كلمات: سمو الشيخ هزاع بن سلطان بن زايد آل نهيان